प्रचण्ड भन्छन्- जादु चलाउन चाहे त चल्छ, तर अहिले चलाउने पक्षमा छैनौं

नेकपा माओवादी केन्द्रका अध्यक्ष पुष्पकमल दाहालले आफूहरू अहिले सरकार ढाल्ने सोचमा नरहेको बताएका छन्।

सोमबार प्रतिनिधिसभाको बैठकपछि सञ्चारकर्मीहरूसँग कुरा गर्दै उनले अहिलेको सरकार आफैं कमजोर भएको र त्यसैले ढल्ने  बताए। ‘हामी अहिले सरकार बनाउने होइन, जनतामा जाने तयारीमा छौं,’ उनले भने, ‘मध्यपहाडी लोकमार्गको अभियानमा जाँदैछौं। जादु चलाउन मन लागे चलाउन सकिन्छ, तर अहिले त्यस्तो तयारी छैन।’ 

त्यसो त प्रचण्डले  सरकारमा हुँदा पनि कसैले हटाउन नसक्ने भन्दै आफूसँग जादुमय अंक रहेको बताउँदै आएका थिए । अप्रत्यासित रुपमा कांग्रेस र एमाले मिल्दा उनको दाजुमय अंकले कुनै भूमिका खेल्न सकेन ।

प्रचण्डले सरकार बदल्नका लागि देउवा वा अरू कसैलाई फकाउने पक्षमा पनि नरहेको स्पष्ट पारे  । जनताले वर्तमान सरकारलाई मनैबाट हटाइसकेको दाबी गर्दै उनले सरकार आफैंनै बोझले ढल्ने बताए।  आफूहरुको ध्यान अहिले सरकारतिर भन्दा पनि अभियानमा भएको समेत जिकिर गरे।