काठमाडौं, पुस २४ :
नेपाली कांग्रेसले विशेष महाधिवेशनको पक्षमा हस्ताक्षर गर्ने महाधिवेशन प्रतिनिधिहरूलाई हस्ताक्षर फिर्ता लिन आग्रह गरेको छ ।
बिहीबार बसेको कार्यसम्पादन समितिको बैठकले यस्तो आग्रह गरेको हो । पार्टीले वैशाखमा नियमित महाधिवेशन आह्वान गरिसकेको अवस्थामा विशेष महाधिवेशन आवश्यक नभएको जनाउँदै प्रतिनिधिहरुलाई हस्ताक्षर फिर्ता लिन आग्रह गरिएको कांग्रेस पार्टी कार्यालयद्वारा जारी विज्ञप्तिमा उल्लेख छ ।
हस्ताक्षर फिर्ता लिने उक्त निर्णयमा महामन्त्री गगन थापा र फरमुल्ला मन्सुरले भने असहमति जनाएका छन्।आजको बैठकमा अर्का महामन्त्री विश्वप्रकाश शर्मा भने उपस्थित थिएनन् । विशेष महाधिवेशन नरोकिने भन्दै पक्षधरले तयारी तीव्र पारेका छन् ।
