काठमाडौं, जेठ ३१ :
अमेरिकी राष्ट्रपति डोनाल्ड ट्रम्पले इरानसँगको युद्ध अन्त्य गर्ने सम्झौतामा आज नै हस्ताक्षर हुने दाबी गरेका छन्।
तेहरानले उक्त समयसीमालाई अस्वीकार गरेको छ तर हस्ताक्षर आउँदा केही दिनभित्र हुन सक्ने भने जनाएको छ। ट्रम्पका अनुसार सम्झौतामा हस्ताक्षर भएपछि होर्मुज जलमार्ग सबैका लागि खुला हुनेछ । अमेरिकाले इरानको आणविक सामग्री प्राप्त गर्ने दाबी समेत गरेका छन्।
इरानले कुनै पनि युद्धविराम सम्झौता लेबनानमा पनि लागू हुनुपर्ने बताइरहेकै बेला इजरायली सेनाले घातक आक्रमणहरू जारी राख्दा दक्षिणी लेबनानमा विस्फोटहरू भएका छन्।
इरानी सञ्चारमाध्यमका अनुसार इरानका दिवंगत सर्वोच्च नेता अली खामेनेईको अन्त्येष्टि समारोह जुलाई ४ मा तेहरानमा सुरु हुनेछ र उनको दफन जुलाई ९ मा मशहदमा गरिनेछ।
