काठमाडौं, साउन २१ :
पूर्वप्रधानमन्त्री एवं नेपाली कांग्रेस पूर्वसभापति शेरबहादुर देउवा पाँच महिनापछि स्वदेश फर्कंदै छन् । हाल हङकङमा रहेका देउवा २६ गते स्वदेश फर्किने तय भएको नेता डा. प्रकाशशरण महतले जानकारी दिए । महतका अनुसार देउवा २६ गते राति ९: ४५ बजे नेपाल आइपुग्ने छन् ।
जेन्जी आन्दोलनमा पिटिएका देउवा दम्पती गत फागुन १३ गते थप उपचारका लागि भन्दै सिंगापुर प्रस्थान गरेका थिए । उनी निर्वाचनको केही दिनअघि मात्रै गएका थिए । कांग्रेसको विशेष महाधिवेशनले गगनकुमार थापालाई सभापति चयन गरेपछि देउवा राजनीतिकमा करिब निष्क्रियको अवस्थामा छन् । तर उनी पक्षधर कांग्रेसले राष्ट्रिय भेला बोलाएको सन्दर्भमा स्वदेश फर्कन लाग्नुलाई विशेष महत्वका साथ हेरिएको छ ।
