अर्थमन्त्री डा.स्वर्णिम वाग्लेले 'एनडी टिभी वर्ल्ड समिट २०२६' मा सम्बोधन गरेका छन्। अन्तर्राष्ट्रिय अतिथि वक्ताका रुपमा उनी समिटमा सहभागी भएका हुन् ।
नयाँ दिल्लीस्थित होटल ताज प्यालेसमा आयोजित 'इन्डिया टिभी वर्ल्ड समिट २०२६' को विशेष सत्रमा “निकटताबाट समृद्धि: भारत-नेपाल अवसर” शीर्षकको सत्रमा उनी अतिथि वक्ता हुन्।
यस अघि अर्थमन्त्री डा.स्वर्णिम वाग्ले भारतीय प्रधानमन्त्री नरेन्द्र मोदीको एनडी टिभी विश्व सम्मेलनको सम्बोधन सत्रमा सहभागी भए । बिहीबार रातिको प्रधानमन्त्री मोदीले सम्बोधन गर्ने सत्रमा अतिथिको रुपमा उनी सहभागी भएका हुन् ।
सो सत्रपछि भारतीय प्रधानमन्त्री मोदी र अर्थमन्त्री डा.वाग्लेबीच संक्षिप्त भेट र कुराकानी समेत भएको थियो । उक्त सम्मेलनको विशेष सत्रमा भारतीय विदेश मन्त्री डा.एस जयशंकरले सम्बोधन गर्दा पनि उनी अतिथिको रुपमा कार्यक्रममा सहभागी भएका थिए । सो क्रममा उनीहरूबीच परिवर्तन भइरहेको विश्व व्यवस्थाका सम्बन्धमा रोचक प्रश्नोत्तर समेत भएको थियो।
