दक्षिण कोरियाको एक विमानस्थलमा विमान दुर्घटना हुँदा कम्तीमा २८ जनाको मृत्यु

दक्षिण कोरियाको एक विमानस्थलमा १८१ जना यात्रु बोकेको विमान दुर्घटना हुँदा कम्तीमा २८ जनाको मृत्यु भएको समाचार संस्था योनहापले जनाएको छ ।

दक्षिण कोरियाली समाचार एजेन्सीका अनुसार देशको दक्षिण पश्चिममा रहेको मुआन अन्तर्राष्ट्रिय विमानस्थलको धावनमार्गबाट चिप्लिएर भित्तामा ठोक्किएर दुर्घटना भएको हो ।

थाइल्याण्डको बैंककबाट १७५ जना यात्रु र ६ जना चालक दलका सदस्य लिएर उडेको जेजु एयरको विमान अवतरणगर्ने क्रममा दुर्घटना भएको बताइएको छ ।

दुई जना जीवितै फेला परेको र उद्धार कार्य जारी रहेको एक अग्नि नियन्त्रक अधिकारीले समाचार संस्था रोयटर्सलाई बताएका छन् ।

योनहापका अनुसार विमानमा १७३ जना दक्षिण कोरियाली र दुई जना थाइल्याण्डका नागरिक सवार थिए ।

दुर्घटनाको कारण अझै थाहा हुन सकेको छैन ।