काठमाडौँ, फागुन २४ :
काठमाडौँको वसन्तपुरमा होलीको चीर ठड्याइएको छ ।
आज बिहान हनुमानढोका दरबारको दक्षिण पटाङ्गिनी, ऐतिहासिक मोहनकाजी चोक तथा दाखचोकमा ३२ फुट उचाइको तीन खण्डे रङ्गीचङ्गी होलीको चीर ठड्याइएको हो । चीर ठड्याइसकेपछि गुर्जुको पल्टनबाट हर्ष बढाइ गरिएको थियो।
चीर ठड्याएसँगै देशभर औपचारिक रूपमा होली पर्व सुरु भएको मानिन्छ । होली पर्वको शुभारम्भ भएको जनाऊँ दिन वसन्तपुरमा चीर ठड्याउने गरिएको छ ।
होली पर्वलाई वसन्त ऋतुको आगमनको खुसियालीमा रङसहित मनाउने पर्वको रूपमा लिने गरिन्छ ।
यस वर्ष फागु पूर्णिमा (होली) यही फागुन २९ गते पहाडमा र चैत एक गते तराईका जिल्लाहरूमा मनाइदै छ ।
