पूर्वपश्चिम राजमार्गअन्तर्गत नारायणघाट- बुटवल सडकखण्डको दाउन्ने क्षेत्रमा सोमबार रातीदेखि रातको समयमा राजमार्ग बन्द गरी सडक बिस्तारको काम सुरु भएको छ ।
दाउन्ने खण्डमा गएराति ११ बजेदेखि बिहान ५ बजेसम्म यातायात सञ्चालनमा रोक लगाइएको छ ।
यही वैशाख १५ गतेसम्म दैनिक रातको ६ घण्टा सवारीसाधन रोकेर दाउन्नेखण्डको सडक मर्मत तथा विस्तार हुने नारायणघाट- बुटवल सडक योजना पूर्वीखण्डका सूचना अधिकारी इन्जिनियर शिव खनालले बताए ।
दाउन्नेको पहाडमा भित्ता काट्ने काम १५ दिनमा सक्ने तयारी
गत चैत २७ देखि ३१ गतेसम्म बिहान ११ बजेदेखि दिउँसो ३ बजेसम्म उक्त खण्डमा यातायात सञ्चालनमा रोक लगाइ सडक विस्तार गरिएको थियो ।
दाउन्नेको पहाडी क्षेत्रमा एक सय १० मिटर पहाड कटिङका काम बाँकी रहेकाले रातको समयमा पहाडको भित्ता काट्न सडक बन्द गरिएको उनले बताए ।
दाउन्नेको पहाडमा भित्ता काट्ने काम १५ दिनमा सक्ने तयारी छ । सडक पटक-पटक अवरुद्ध हुँदा यात्रुले सास्ती खेप्नुपरेको छ ।
