काठमाडौं, जेठ १२ :
जाजरकोटमा भूकम्पको धक्का महसुस गरिएको छ । सोमबार दिउँसो २ बजेर २५ मिनेटमा जाजरकोटको रामिडाँडा केन्द्रविन्दु भएर भूकम्प गएको हो ।
भूकम्प मापन केन्द्रका अनुसार जिल्लाको रामिडाँडा केन्द्रविन्दु भएर ४.३ म्याग्नेच्युडको भूकम्प गएको हो ।
यसअघि जेठ ९ गते बैतडी सदरमुकाम केन्द्रविन्दु भएर ३.७ म्याग्निच्युडको भूकम्प गएको थियो । उक्त भूकम्पको धक्का दार्चुला, बझाङ, डडेल्धुरामा समेत महसुस गरिएको थियो ।
