काठमाडौं, साउन २५ :
नेकपा एकीकृत समाजवादीका सम्मानित नेता झलनाथ खनाल र माओवादी केन्द्रका वरिष्ठ उपाध्यक्ष नारायणकाजी श्रेष्ठबीच भेटवार्ता भएको छ ।
उपाध्यक्ष श्रेष्ठ नेता खनाललाई भेट्न दिउँसो उनकै निवास डल्लु पुगेका हुन् । अध्यक्ष माधवकुमार नेपाल र नेता खनालबीच असमझदारी बढीरहँदा नेताहरुले खनाललाई भेट्न थालेका छन् । नेता वामदेव गौतमले पनि हिजो खनाललाई भेटेका थिए ।
उपाध्यक्ष श्रेष्ठ र खनालबीचको भेटमा भने पार्टी एकता लगायत समसामयिक राजनीतिक छलफल भएको बुझिएको छ । अध्यक्ष नेपालले केही दिनअघि खनाललाई चित्त नबुझे पार्टी छाडेर जान सकिने अभिव्यक्ति दिएका थिए । पार्टी नै छाड्ने अवस्था आए माओवादीको ढोका खुल्ला छ भन्ने सन्देश दिन पनि श्रेष्ठले भेट्नुको उदेश्य बुझ्न सकिन्छ ।
पछिल्लो समय अध्यक्ष नेपाल र खनालबीचको सम्बन्ध चिसिएको छ।
