बागमती प्रदेशसभाको बैठक आज (मंगलबार) देखि प्रदेशसभा सचिवालयको नयाँ भवनमा सञ्चालन हुने भएको छ ।
भवनको सबै काम सकेर हस्तान्तरण भइसकेकाले आजबाट नयाँ भवनमा प्रदेशसभाको बैठक सञ्चालन गर्ने तयारी भएको प्रदेशसभा सचिवालयका सचिव रामकुमार पौडेलले जानकारी दिए ।
गत २०७७ मंसिर १० गते शिलान्यास भई १८ महिनामा सक्ने गरी २०७७ कात्तिकमा प्रदेशसभा भवनको ठेक्का लागेको थियो । तर ठेकेदार कम्पनीको ढिलाइका कारण ठेक्का सम्झौता भएको करिब पाँच वर्षपछि प्रदेशसभा भवन निर्माण सम्पन्न भएको हो ।
सहरी विकास तथा भवन कार्यालय हेटौंडा मकवानपुरमार्फत अर्घाखाँची-सगुन-पारामाउन्ट जेभीले पाँच करोड २९ लाखको लागतमा भवन निर्माण गरेको सहरी विकास तथा भवन कार्यालयका प्रमुख इन्जिनियर सुवोध अधिकारीले जानकारी दिए ।
साथै आजै नयाँ भवनमा बागमती प्रदेशका नवनियुक्त मुख्यमन्त्री इन्द्रबहादुर बानियाँले विश्वासको मत लिँदै छन् ।
यो पनि…
बागमती प्रदेशका नवनियुक्त मुख्यमन्त्री बानियाँले विश्वासको मत लिँदै
