नेकपा एकीकृत समाजवादीको सातौ सचिवालय बैठकले वामदेव गौतमलाई पार्टीको तेस्रो वरीयताको जिम्मेवारी दिएको छ ।
पार्टी केन्द्रीय कार्यालय आलोकनगरमा शुक्रबार भएको सचिवालयको सातौं बैठकले नेता गौतमलाई अध्यक्ष माधवकुमार नेपाल, सम्मानित नेता झलनाथ खनालपछि तेस्रो वरीयतामा राखेको हो ।
राष्ट्रिय एकता अभियानबाट एकीकृत समाजवादीमा समाहित भएका नेताहरूलाई जिम्मेवारी दिइएको पार्टी उपाध्यक्ष तथा प्रचार विभाग प्रमुख प्रकाश ज्वालाले जानकारी दिए । गौतमले अध्यक्ष नेपालबाट पदको शपथ लिएका छन् ।
यस्तै वामदेवपत्नी तुलसी थापालाई भने पोलिट्ब्युरो सदस्यको जिम्मेवारी दिइएको छ । यस्तै पोलिट्ब्युरो सदस्यको जिम्मेवारी पाउनेमा डीबी कार्की, लोकनाथ धमला पनि छन् ।
साथै केन्द्रीय सदस्यमा भगवती विष्ट, दुर्गादत्त भण्डारी, राधेश्याम गुप्ता, इमानसिंह भारती, रवीन्द्र बम, तोफा यादव, विद्याप्रसाद शर्मा, रामप्रसाद अधिकारी र मोहमद शेर बागवानलाई जिम्मेवारी दिइएको पनि उपाध्यक्ष ज्वालाले जनाए ।
