काठमाडौं, भदौ १३ :
सरकारले नेपाल प्रहरीको महानिरीक्षक (आईजीपी) मा चन्द्रकुवेर खापुङलाई नियुक्त गरेको छ ।
मन्त्रिपरिषद्को शुक्रबार बसेको बैठकले भदौ १९ गतेदेखि लागु हुने गरी उनलाई महानिरीक्षक पदमा नियुक्त गरेको हो । खापुङ अहिले सीआईबी प्रमुख छन् ।
वर्तमान आईजीपी दीपक थापाले यही भदौ १८ गते राति १२ बजेदेखि अवकाश पाउँदै छन् । सरकारले प्रधानमन्त्री चीन भ्रमण जानुअघि नै आईजीपीको टुंगो लगाएको हो । प्रधानमन्त्री केपी ओली शनिबारदेखि चीन भ्रमणमा जाँदै छन् ।
