निर्वाचन आयोगले आउँदो फागुन २१ गतेका लागि तोकिएको आम निर्वाचन गराउन आफू पूर्ण रूपमा तयार रहेको जनाएको छ।
प्रमुख निर्वाचन आयुक्त रामप्रसाद भण्डारीले उनका अनुसार निर्वाचनको समय घोषणा भएसँगै आवश्यक प्राविधिक, कानुनी तथा व्यवस्थापकीय प्रक्रिया अघि बढाउन आयोग सक्रिय भइसकेको छ।
आयोग आवश्यक तयारीमा आजैदेखि लाग्ने स्पष्ट पार्दै उनले भने, ‘हामी त जहिले पनि निर्वाचन गराउन तयारै छौँ। मन्त्रिपरिषद्ले आकार लिएपछि यस विषयमा ठोस छलफल हुनेछ।’
पूर्वप्रधानन्यायाधीश सुशीला कार्की प्रधानमन्त्रीमा नियुक्त भएपछि केही घण्टामै प्रतिनिधिसभा विघटन गरी आगामी फागुन २१ गते आम निर्वाचन हुने मिति तोकिएको हो। यसअघिका अनुभवलाई ध्यानमा राख्दै आयोगले निर्वाचनमा पारदर्शिता, निष्पक्षता र समयपालनाको प्राथमिकता दिने जनाएको छ।
प्रधानमन्त्री कार्कीलाई ६ महिनाभित्र निर्वाचन सम्पन्न गर्ने स्पष्ट जिम्मेवारीसहित सरकारको नेतृत्व दिइएको छ।
