भैरव अर्यालको योगदानको स्मरण

नेपाली साहित्य तथा पत्रकारितामा भैरव अर्यालले गरेको योगदानको स्मरण गरिएको छ । उनको  स्मृतिमा प्रकाशित कल्पतरु द्वैमासिकको ११५ औँ अङ्क शनिबार लोकार्पणसँगै उनले नेपाली हास्यव्यङ्ग्यको श्रीवृद्धिमा गरिएको योगदानको स्मरण गरिएको हो ।

सामाजिक तथा राजनीतिक विसङ्गति र विकृतिविरुद्ध अर्यालले तीक्ष्ण लेखनका माध्यमबाट देशको साहित्य भण्डारलाई समृद्ध बनाउनुभएको तथा उनका कविता पनि उत्तिकै सशक्त रहेका कार्यक्रमका वक्ताहरूले बताए । 

साहित्यकार गोविन्दप्रसाद घिमिरे , कल्पतरुका प्रधान सम्पादक नवराज पुडासैनी ‘ज्योत्सना’ बद्रीअर्र्याल, वसन्त रिजाल, विमलअर्याल, निर्मल अर्याल, राजन पुडासैनीले भैरव अर्यालको योगदानको समीक्षा गरेका थिए ।

विसं १९९३ असोज ५ गते जन्मिएका अर्यालको २०३३ साल असोज १९ निधन भएको हो । उनका ‘जय भुँडी,’ ‘दशअवतर,’ ‘गलबन्दी,’ ‘उपवन,’ ‘इतिश्री,’ ‘काउकुती’लगायत कृतिले नेपाली हास्यव्यङ्ग्यको भण्डारलाई समृद्ध बनाएका छन् ।