वर्षकै सबैभन्दा घातक आँधीहरूमध्ये एक टाइफुन काल्मेगी केन्द्रीय भियतनाम हुँदै ९२ माइल प्रतिघण्टा अर्थात १४९ किमी प्रतिघण्टा सम्मको वेगका हावा सहित क्याम्बोडिया र लाओसतर्फ पश्चिमतिर अघि बढेको छ।
यसअघि यसै हप्ताको सुरुमा उक्त आँधीले फिलिपिन्सका शहरहरू डुबाएर कम्तीमा ११४ जनाको ज्यान लिइसकेको छ भने १२० जनाभन्दा भन्दा बढी अझै हराइरहेका छन्।
भियतनाममाका स्थानीय सञ्चारमाध्यमका अनुसार डाक लक प्रान्तमा एउटा घर भत्किँदा कम्तीमा एक जनाको मृत्यु भएको छ। सरकारको विपद् व्यवस्थापन वेबसाइटले अहिलेसम्म मृत्युको संख्या वा क्षतिको अनुमान सार्वजनिक गरेको छैन।
भियतनामको राष्ट्रिय मौसम पूर्वानुमानकर्ताले सात शहर र प्रान्तका सयौँ स्थानहरूमा बाढी र पहिरोको चेतावनी दिएको छ। धेरै प्रान्तहरूमा घरका छाना उडाइएका, होटलका सिसाका प्यानल फुटेका र सहरका सडक तथा गाउँका बाटाहरूमा रूखहरू उखेलिएका वा भाँचिएका छन्।
भियतनामका प्रधानमन्त्री फाम मिन चिनले आपतकालीन प्रतिक्रिया निर्देशन गर्न अनलाइन बैठक गरेका थिए।
भियतनाममा प्रवेश गर्नु अघि यो आँधी जसलाई स्थानीय रूपमा “टिनो” भनिन्छ फिलिपिन्समा ठूलो विनाश मच्चाएर गएको थियो।
त्यहाँ कम्तीमा १ सय १४ जनाको मृत्यु भएको र दसौँ हजार मानिसहरूलाई विस्थापित गरिएको थियो । विशेषगरी केन्द्रीय क्षेत्रहरूमा जसमा जनसंख्या बढी भएको र पर्यटकीय केन्द्र सेबुम असर गरेको थियो । काल्मेगीले सेबु टापुमा २४ घण्टाभित्र एक महिनाको बराबरको वर्षा गरायो जसले पहाडबाट माटो र भग्नावशेषका पहिरो बगाएर सहरमा पुर्यायो।
यो आँधीले विशेष गरी गरीब बस्तीहरूमा ठूला क्षति पुर्याएको छ जहाँका घरहरू कमजोर सामग्रीबाट बनेका थिए।बुधबारको बाढीपछि सेबुमा घर डुबेका कारण मानिसहरूले विद्यालय र हलहरूमा शरण लिएका छन्।
भियतनामले यसअघि नै एक सातादेखि बाढी र रेकर्ड वर्षासँग जुधिरहेको छ।
नदीका किनार फुटेर देशका प्रसिद्ध पर्यटकीय सहरहरू जस्तै युनेस्को-सूचीकृत हुए सहर र ऐतिहासिक होइ आन डुबेका छन्, जहाँ स्थानीयहरूले ह्वाइ नदी बढेपछि काठका डुंगामा सहर पार गरिरहेका छन्।
थाइल्यान्ड पनि आँधीको प्रभाव पर्ने बताइएको छ । स्थानीय अधिकारीहरूले आकस्मिक बाढी, पहिरो, र नदीमा पानी बढ्ने चेतावनी दिएका छन्।
