नेपाल प्रिमियर लिग (एनपीएल) सिजन–२ को उद्घाटन खेलमा काठमाडौं गोर्खाजले साविक विजेता जनकपुर बोल्ट्सलाई ५ विकेटले पराजित गर्दै विजयी सुरुवात गरेको छ। टस हारेर पहिले ब्याटिङ गरेको जनकपुरले दिएको १३१ रनको लक्ष्य काठमाडौंले १८ ओभरमै ५ विकेटको क्षतिमा भेट्टायो।
काठमाडौंको जितमा बेन चार्ल्सवर्थले २३ बलमा ५ चौका र ३ छक्कासहित सर्वाधिक ४६ रन जोडे। आकाश त्रिपाठीले ३९, मिलिन्द कुमारले १९ र जोन सिम्पसनले १३ रनको योगदान गरे।
ओपनर बेन र आकाशले पहिलो विकेटका लागि ७० रनको साझेदारी गर्दै सफल अभियन्ता साबित भए। यस साझेदारीलाई सञ्जय कृष्णमूर्तिले तोडे । उनले बेनलाई जोन सिम्पसनमार्फत क्याच आउट गराए। दोस्रो विकेटका रूपमा भीम सार्की ७ बलमा ३ रन मात्रै जोडेर ललित राजवंशीको बलमा लाहिरु मिलन्थामार्फत क्याच आउट हुन पुगे।
यसअघि जनकपुर बोल्ट्सले टस जितेर पहिला ब्याटिङ गर्दै २० ओभरमा १३१ रनको लक्ष्य तय गरेको थियो, जसलाई काठमाडौंले आरामसँग पछ्याउँदै १३२ रन जोडेर खेल आफ्नो पक्षमा पारेको हो।
