पशुपतिनाथ परिसरमा सेनाको सरसफाइ

पशुपतिनाथ मन्दिर परिसरमा बालाचतुर्दशी अवसरमा शतबीज छर्दा उत्पन्न भएको फोहोर  नेपाली सेनाले बिहीबार सरसफाइ गरेको छ।

बालाचतुर्दशीका दिन आफ्ना पितृको स्मृतिमा जागराम बसेर शतबीज छर्ने परम्परा अनुरूप पशुपति क्षेत्र, कैलाश डाँडा,१०८ शिवलिङ्ग, कैलाश, सूर्यघाट, गौरीघाट, आर्यघाट, गुह्येश्वरी, पशुपति, मृगस्थली, विश्वरूप र किराँतेश्वर आदि ठाउँमा लगायतका स्थानमा सयौँ भक्तजनले शतबीज छरे ।

उक्त फोहोर व्यवस्थापनका लागि नेपाली सेनाको टोली परिचालन गरी मन्दिर परिसरदेखि वरपरका क्षेत्रमा सफाइ गरिएको पशुपति क्षेत्र विकास कोषले जनाएको छ।
प्रत्येक वर्ष झैँ यस वर्ष पनि बालाचतुर्दशीमा भक्तजनहरूको उल्लेख्य भीड लागेको थियो ।