काठमाडौं, माघ ८ :
जल तथा मौसम विज्ञान महाशाखाले शुक्रबारदेखि नेपालमा वर्षा हुने सम्भावना रहेको जनाएको छ। विभागको मौसम पूर्वानुमान शाखाले शुक्रबार रातिदेखि वर्षा हुने सम्भावना रहेको जनाएको हो।
शनिबार बेलुकासम्ममा सुदूरपश्चिम प्रदेश, बिहानमा विशेष गरेर सुदूरपश्चिम, कर्णाली प्रदेश, लुम्बिनी प्रदेशका धेरै स्थानहरुमा हल्कादेखि मध्यम वर्षाको सम्भावना रहेको मौसम पूर्वानुमान शाखाले जनाएको छ ।
वरिष्ठ मौसमविद् डेविट ढकालले वर्षा शनिबार बेलुकासम्म मात्रै रहने बताए। तर माघ १३ गते रातिदेखि फेरि हल्का वर्ष र उच्च हिमाली भूभागमा हिमपातको सम्भावना रहेको वरिष्ठ मौसमविद् ढकालले बताए।
