अमेरिकी राष्ट्रपति जो बाइडनले गाजामा हमासका नेता याह्या सिनवारको हत्याले एक वर्ष लामो युद्धमा 'युद्धविरामको सम्भावना' बढाएको बताएका छन् ।
इजरायलको मोस्ट वान्टेडसूचीमा शीर्ष स्थानमा रहेका सिनवार ७ अक्टोबरमा भएको आक्रमणका मुख्य व्यक्ति थिए ।
हमासका सदस्यहरूको नियमित खोजीका क्रममा इजरायली सेनाले राफाको एक भवनमा आक्रमण गर्दा तीन जनाको मृत्यु भएपछि सिनवारको शव डीएनए रेकर्डबाट पहिचान गरिएको थियो।
हमासका एक वरिष्ठ सदस्यले सिनवार युद्धमा मारिएको पुष्टि गरेका छन् । तर उनको मृत्युले समूहलाई बलियो बनाउने बताएका छन् ।
इजरायलका प्रधानमन्त्री बेन्जामिन नेतन्याहुले सिनवारको मृत्युको अर्थ गाजामा युद्ध अन्त्य नभएको बताएका छन् ।
संयुक्त राष्ट्रसंघका अनुसार जबालियामा रहेको एक विद्यालयबाट आश्रयस्थलमा इजरायलले गरेको हवाई आक्रमणमा परी २८ जनाको मृत्यु भएको छ ।
इजरायलले उक्त स्थललाई हमास र इस्लामिक जिहादका सदस्यहरूको मिलन स्थलको रूपमा प्रयोग गरिएको बताएको छ ।
