काठमाडौं, असोज १७ :
नेपाली काँग्रेसको १५ औं महाधिवेशन उद्घाटन समारोहमा प्रमुख अतिथिका रूपमा सभापति गगन थापाले पूर्व सभापति शेरबहादुर देउवालाई निम्तो गरेका छन् ।
सभापति थापाले सहमहामन्त्री योगेन्द्र चौधरीको नेतृत्वमा देउवालाई निम्तो दिन निवासमै पठाएका थिए । निम्तो लिएर निवासमै पुग्दा समेत देउवासँग आफूहरूको भेट हुन नसकेको चौधरीले बताएका छन् ।
सभापति थापाको हस्ताक्षर भएको निमन्त्रणा पत्र निवासमा छाडेर फर्किएको उनले बताए ।
काँग्रेसको महाधिवेशन भोलि टुँडिखेल रत्नपार्कमा उद्घाटन हुँदैछ।
यो महाधिवेशनमा देउवा पक्ष सहभागी छैन ।
