काठमाडौं, असोज २७ :
आईसीसी क्रिकेट विश्वकप लिग-२ शृङ्खलामा नेपालले लगातार दोस्रो जित हासिल गरेको छ । मंगलबार अल अमेरत क्रिकेट ग्राउन्ड मिनिस्ट्रीमा भएको खेलमा ओमानमाथि नेपालले ११३ रनको जित हासिल गरेको हो । नेपालले दिएको २६४ रनको लक्ष्य पछ्याएको ओमान ४० ओभरमा १५० रनमा अलआउट भयो ।
त्यसअघि टस जितेर पहिले ब्याटिङ गरेको नेपालले ५० ओभरमा ८ विकेट गुमाएर २६३ रन बनाएको थियो । रोहित पौडेलले सर्वाधिक ६१ रन बनाए । ६७ बल खेलेका उनले ३ चौका र १ छक्का प्रहार गरे । करण केसीले अन्त्यतिर १६ बलमा ४० रनको आक्रामक पारी खेले ।
यो जितसँगै नेपालको ३४ खेलबाट २८ अंक भएको छ । लिग- २ अंकतालिकामा छैटौं स्थानमा छ । नेपालले अब अर्को खेल क्यानडासँग खेल्नेछ ।
