काठमाडौं महानगरपालिकाकी उपप्रमुख सुनिता डंगोलले फास्ट फुड तथा रेस्टुरेन्टहरुले गुणस्तरमा विशेष ध्यान दिन आवश्यक रहेको बताएकी छन् ।
काठमाडौंमा भएको फास्ट फुड एसोसिएसन नेपालको ८ औ राष्ट्रिय अधिवेशनमा सोमबार बोल्दै उपप्रमुख डंगोलले यस्तो बताएकी हुन् । उनले व्यवसायीहरु पनि उपभोक्ता भएकाले फास्ट फुड तथा रेस्टुरेन्टहरुले गुणस्तरमा ध्यान दिन आवश्यक रहेको बताइन्।
उनले पछिल्लो समय गुणस्तरका विषयमा प्रश्नहरु उठ्दै आएकाले त्यसमा विचार पुर्याउन व्यवसायीहरुलाई आग्रह गरिन् । उनले हाटेल तथा फास्ट फुडहरु ठूलो स्पेस र पूर्वाधारहरुले मात्रै पाँच तारे हुन नसक्ने भन्दै पाँच तारे हुनको लागि गुणस्तरीय हुन आवश्यक रहेको समेत बताइन् । उनले महानगर फास्ट फुडहरुमा विभिन्न खालका स्टार स्टिकरहरु राख्ने अभियानमा रहेको बताइन् ।
साथै उनले महानगरले राम्रो काम गर्ने व्यवसायीहरुलाई प्रोत्साहन गर्ने प्रतिवद्धता जनाइन् । ‘पाँच तारे हाटेल फास्ट फुड पूर्वाधारहरुले मात्रै हुँदैन उनले भनिन्, ‘गुणस्तरमा पाँच तारे भनेर चिनिन आवश्यक छ । महानगरले फास्ट फुडहरुमा विभिन्न खालका स्टार स्टिकरहरु राख्ने अभियानमा छ ।
सुधारात्मक बाटोमा लैजानको लागि महानगरले काम गर्दैछ । महानगरले व्यवसायीहरुको व्यापार फस्टाओस् भनेर काम गरिरहेको छ ।’उनले महानगरले व्यवसायीहरुको व्यापार व्यवसाय सहजिकरणको लागि काम गरिरहेको पनि बताइन् ।
