दाङ, माघ १३ :
नेकपा माओवादी केन्द्रका अध्यक्ष पुष्पकमल दाहालले माओवादीले आफूलाई पखाल्नैपर्ने अवस्था आएको बताएका छन् ।
प्रेस सेन्टर दाङले शनिबार घोराहीमा आयोजना गरेको पत्रकार भेटघाटमा उनले माओवादीलाई धूलोमैलो लागेको र त्यो अब पखाल्नैपर्ने बताएका हुन् ।
जनताको अपेक्षाअनुसार काम गर्न नसकेको स्वीकार गर्दै दाहालले धूलोमैलो नपखाली जनताको विश्वास जित्न नसकिने बताए ।
२०८४ को चुनावमा पनि विगतको माओवादीलाई नभई सुध्रिएको माओवादीलाई भोट मागेको उनले बताए । जनताले धेरै अपेक्षा गरेको र त्यत्रो बलिदानीबाट आएको पार्टीमा हालसम्म केही न केही धूलोमैलो र दाग लागेको उनले स्वीकारे गरे ।
