काठमाडौँ, माघ १६ :
हाल देशमा पश्चिमी वायुको सामान्य प्रभाव रहेको छ ।
आज बिहान कोशी प्रदेशको पहाडी भू- भागमा आंशिक बदली तथा बाँकी भू- भागमा मौसम मुख्यतया सफा रहेको छ।
तराईका धेरैजसो भू- भागमा हुस्सु र कुहिरो लागिरहेको जल तथा मौसम विज्ञान विभाग, मौसम पूर्वानुमान महाशाखाले जनाएको छ।
आज दिउँसो कोशी, बागमती र गण्डकी प्रदेशको पहाडी भू- भागमा आंशिक बदली रही बाँकी भू- भागमा मौसम मुख्यतया सफा रहनेछ।
त्यस्तै, आज राति कोशी, बागमती, गण्डकी र लुम्बिनी प्रदेशको पहाडी भू- भागमा आंशिकदेखि साधारणतया बदली रही बाँकी भू- भागमा मौसम मुख्यतया सफा रहने पनि महाशाखाले जनाएको छ ।
