काठमाडौं, फागुन ६ :
प्रतिनिधिसभाबाट नेपाल नागरिकता दोस्रो संशोधन विधेयकसम्बन्धी प्रस्ताव सर्वसम्मत स्वीकृत भएको छ ।
प्रतिनिधिसभाको सोमबार बसेको बैठकमा सभामुख देवराज घिमिरेले प्रस्तावलाई निर्णयार्थ प्रस्तुत गरेकामा सदनले स्वीकृत गरेको हो ।
अब उक्त विधेयकमाथि प्रतिनिधिसभा नियमावलीअनुसार इच्छुक सांसदहरूले आफ्नो संशोधन पेस गर्न सक्ने घिमिरेले बताए । हिजै (आइतबार) नै यो विधेयक स्वीकृत गर्न खोजिए पनि गणपूरक सङ्ख्या नपुग्दा रोकिएको थियो ।
