समाजवादी मोर्चाले बुद्धिजीवी र नागरिक समाजसँग अन्तर्क्रिया गर्ने भएको छ ।
नेकपा एकीकृत समाजवादीको कार्यालय आलोकनगरमा शुक्रबार बसेको मोर्चाको बैठकले प्रतिगामी कदमलाई असफल बनाउन बुद्धिजीवी र नागरिक समाजसँग अन्तर्क्रिया गर्ने निर्णय गरेको हो ।
बैठकमा पछिल्लो समयबारे समीक्षा गरिएको र विषय गम्भीर रहेको समेत निष्कर्ष निकालेको छ ।
परिस्थिति एकपछि अर्को गर्दै जटिल बन्दै गएको भन्दै यसलाई असफल बनाउन चैत १५ गते काठमाडौँमा बृहत् विरोध कार्यक्रम गर्ने र हजारौँ मानिस उतार्ने गरी तयारी गर्ने पनि बैठकले निर्णय गरेको छ ।
