काठमाडौं, चैत १३ :
प्रतिनिधिसभाका सभामुख देवराज घिमिरेले प्रतिनिधिसभा सञ्चालनका लागि विभिन्न राजनीतिका दलका नेताहरूसँग छलफल गरेका छन्।
कुलमान घिसिङको बर्खास्तीको विषयलाई लिए विपक्षी दलहरुले बुधबारको संसद् बैठक सुरु भए लगत्तै अवरोध गरेपछि त्यसलाई खुलाउन सभामुख घिमिरेले नयाँ वानेश्वरस्थित आफ्नो कार्यकक्षमा ५ दलका प्रमुख सचेतकहरूसँग छलफल गरेका हुन् ।
विपक्षी दलहरूले घिसिङलाई हटाएकोबारे प्रधानमन्त्रीको जवाफ मागेका छन् । प्रधानमन्त्रीको जवाफ नआएसम्म सदन चल्न नदिने उनीहरूको अडान छ । बैठकमा नेपाली कांग्रेस, नेकपा एमाले, माओवादी केन्द्र, राष्ट्रिय स्वतन्त्र पार्टी (रास्वपा), राष्ट्रिय प्रजातन्त्र पार्टी (राप्रपा)का प्रमुख सचेतक सहभागी थिए ।
सभामुखले आधा घण्टाका लागि स्थगित गरेर बैठक अझै सञ्चालन हुन सकेको छैन ।
