काठमाडौं, चैत १९ :
काठमाडौंको तीनकुनेमा राजावादीको प्रदर्शनमा गोली लागेर दिवंगत भएका कीर्तिपुरका सविन महर्जनको पशुपतिमा अन्त्येष्टि गरिएको छ ।
उनको शवमा बुवा श्रीकृष्ण महर्जनले दागबत्ती दिएका थिए । पोस्टमार्टमको रिपोर्ट आए लगत्तै परिवारले शव बुझेर पशुपति आर्यघाटमा अन्तिम संस्कार गरेको हो ।
महर्जनको त्रिवि शिक्षण अस्पतालमा पोस्टमार्टम गरिएको थियो ।पोस्टमार्टमको क्रममा उनको शरीरिमा एक गोली लागेको खुलेको छ ।
गत चैत १५ मा राजावादीहरुले गरेको आन्दोलनका क्रममा गोली लागेका महर्जनको उपचारका क्रममा मृत्यु भएको थियो । उनको दायाँ कोख हुँदै ढाडबाट गोली निस्केको पाइएको छ ।
