सत्तारुढ नेकपा एमालेको सचिवालय बैठक अहिले बसिरहेको छ । पार्टी केन्द्रीय कार्यालय च्यासलमा जारी बैठकमा हालैका राजनीतिक घटनाक्रमसँगै विविध समसामयिक विषयमा छलफल हुने एमाले प्रचार विभाग प्रमुख राजेन्द्र गौतमले बताए ।
साथै बैठकमा पार्टी नेतृत्वले वर्तमान सरकारको कार्यप्रणाली, सत्ता साझेदारीका र आगामी रणनीतिहरूमाथि विमर्श हुने अपेक्षा गरिएको छ । पछिल्लो विकसित राजनीतिक घटनाक्रमबारे छलफल गर्न एमाले यो बैठक बोलाइएको हो ।
बैठकमा अध्यक्ष केपी शर्मा ओलीसहित सचिवालय सदस्यहरूको उपस्थिति छ ।
बैठक औपचारिक रुपमा सुरु हुनुभन्दा अगाडि नेताहरुले एक आपसमा नयाँ वर्षको शुभकामना आदानप्रदान गरेका थिए ।
