सोमबार, ७ मंसिर २०८३ सक्रिय अपडेट सक्रिय सिफारिस
ट्रेन्डिङ
#प्रधानमन्त्री वालेन्द्र शाह#महासचिव शंकर पोखरेल#एसिया कप राइजिङ स्टार्स#नेपालले पहिलो जित#सांस्कृतिक सम्बन्ध#तल्लो अरुण जलविद्युत्#सोमबार शिलान्यास#सभामुख डोलप्रसाद अर्याल#पशु ढुवानी#चरम लापरबाही#अध्यक्ष राजेन्द्र लिङ्देन#सनातन हिन्दुराष्ट्र#प्रधानमन्त्री शाह नयाँदिल्लीमा#घोप्टेभिरको डाँडा#जोखिमपूर्ण भाग झार्न थालियो #प्रधानमन्त्री वालेन्द्र शाह#महासचिव शंकर पोखरेल#एसिया कप राइजिङ स्टार्स#नेपालले पहिलो जित#सांस्कृतिक सम्बन्ध#तल्लो अरुण जलविद्युत्#सोमबार शिलान्यास#सभामुख डोलप्रसाद अर्याल#पशु ढुवानी#चरम लापरबाही#अध्यक्ष राजेन्द्र लिङ्देन#सनातन हिन्दुराष्ट्र#प्रधानमन्त्री शाह नयाँदिल्लीमा#घोप्टेभिरको डाँडा#जोखिमपूर्ण भाग झार्न थालियो
समाचार भिडियो

ट्रक चालक लामा जेल चलान, मालिक फरार

सक्रिय न्युज संवाददाता सक्रिय न्युज संवाददाता · बिहीबार, ४ वैशाख, २०८२ मा प्रकाशित
ट्रक चालक लामा जेल चलान, मालिक  फरार
काठमाडौं, वैशाख ४ :

काठमाडौंको टोखाबाट करिब २५ करोड रुपैयाँ बराबरको डलर र युरोसहित पक्राउ परेका ट्रक चालकलाई जेल चलान गरिएको छ ।

सिन्धुपाल्चोकका फुच्चे भनिने ४३ वर्षीय कुसाङ लामा (ट्रक चालक)लाई काठमाडौं जिल्ला अदालतका न्यायाधीश ठाकुरप्रसाद खरेलको इजलासले पुर्पक्षका लागि जेल चलान गर्न आदेश दिएको हो।

उनीमाथि विदेशी विनिमय (नियमन गर्ने) ऐन २०१९ को दफा ३, ४, ५ र ९ अनुसारको कसुरमा मुद्दा दायर भएको थियो ।

लामाले ना ७ ख १६५२ नम्बरको ट्रकमा फल्स बटम बनाएर रकम लुकाइ चीनतर्फ लैजाँदै गर्दा गत चैत ४ गते राति प्रहरीले झोरबाट पक्राउ गरेको थियो। लामा सिन्धुपाल्चोकको भोटेकोशी गाउँपालिका–१ का स्थायी बासिन्दा हुन्।

उक्त रकमका वास्तविक मालिकका रूपमा ठानिएका सिन्धुपाल्चोककै भोटेकोशी गाउँपालिका–४ स्थायी घर भई हाल टोखा नगरपालिका–१० बसोबास गर्ने नारायण पौडेल भने हालसम्म फरार छन्।

दुवैजनाविरुद्ध २५ करोड ३४ लाख ७८ हजार ८४२ रुपैयाँ बराबरको बिगो तथा जरिवाना मागदाबी गरिएको छ। घटनासँग सम्बन्धित थप अनुसन्धान भइरहेको प्रहरीले जनाएको छ।

यो समाचार पढेर तपाईंलाई कस्तो लाग्यो ?

सम्बन्धित समाचार

थप समाचार