नेकपा माओवादी केन्द्र र नेपा: राष्ट्रिय पार्टीबीच पार्टी एकता भएको छ । पार्टी अध्यक्ष पुष्पकमल दाहाल ‘प्रचण्ड’ र नेपा: राष्ट्रिय पार्टीका अध्यक्ष डा. विजय सैँजूबीच आज (सोमबार) सहमतिपत्रमा हस्ताक्षर गर्दै औपचारिक रूपमा पार्टी एकता गरिएको छ ।
पार्टी एकतापछि माओवादी केन्द्र अब थप बलियो बन्दै गएको अध्यक्ष प्रचण्डको दाबी छ । उनले आगामी निर्वाचनमा माओवादी केन्द्र ठूलो पार्टीका रूपमा उभिने विश्वास व्यक्त गरेका छन् ।
