काठमाडौं, असार ९ :
सुर्खेतबाट पैदलै एक महिना लगाएर काठमाडौं आइपुगेका नवराज बोहोराले नेकपा माओवादी केन्द्रका अध्यक्ष पुष्पकमल दाहालसँग भेट गरेका छन् ।
बोहोराले वातावरण संरक्षण, कर्णालीको समग्र विकास, अनियमितता तथा भ्रष्टाचारविरुद्ध खबरदारी गर्दै सुशासन स्थापनाको अभियानमा लागेको जानकारी दाहाललाई दिए ।
अध्यक्ष दाहालले बोहोराको अभियान माओवादी केन्द्रको अभियानसँग मेल खाने उल्लेख गर्दै, आफू सरकारले रहँदा कर्णालीको समृद्धिका लागि गरेका पहलहरूले त्यसको प्रमाण भएको स्पष्ट पारे ।
उनले बोहोराको अभियानलाई साथ दिने प्रतिबद्धता जनाए । साथै अभियानलाई निरन्तरता दिनका लागि शुभकामनासमेत दिएको दाहालको सचिवालयले जनाएको छ ।
