सोमबार, ७ मंसिर २०८३ सक्रिय अपडेट सक्रिय सिफारिस
ट्रेन्डिङ
#प्रधानमन्त्री वालेन्द्र शाह#महासचिव शंकर पोखरेल#एसिया कप राइजिङ स्टार्स#नेपालले पहिलो जित#सांस्कृतिक सम्बन्ध#तल्लो अरुण जलविद्युत्#सोमबार शिलान्यास#सभामुख डोलप्रसाद अर्याल#पशु ढुवानी#चरम लापरबाही#अध्यक्ष राजेन्द्र लिङ्देन#सनातन हिन्दुराष्ट्र#प्रधानमन्त्री शाह नयाँदिल्लीमा#घोप्टेभिरको डाँडा#जोखिमपूर्ण भाग झार्न थालियो #प्रधानमन्त्री वालेन्द्र शाह#महासचिव शंकर पोखरेल#एसिया कप राइजिङ स्टार्स#नेपालले पहिलो जित#सांस्कृतिक सम्बन्ध#तल्लो अरुण जलविद्युत्#सोमबार शिलान्यास#सभामुख डोलप्रसाद अर्याल#पशु ढुवानी#चरम लापरबाही#अध्यक्ष राजेन्द्र लिङ्देन#सनातन हिन्दुराष्ट्र#प्रधानमन्त्री शाह नयाँदिल्लीमा#घोप्टेभिरको डाँडा#जोखिमपूर्ण भाग झार्न थालियो
राजनीति शिक्षा

विद्यालय शिक्षा विधेयकमा सहमति जुटाउन सरकारले पायो ५ दिनको समय

सक्रिय न्युज संवाददाता सक्रिय न्युज संवाददाता · आइतबार, २२ असार, २०८२ मा प्रकाशित
विद्यालय शिक्षा विधेयकमा सहमति जुटाउन सरकारले पायो ५ दिनको समय
काठमाडौं, असार २२ :

विद्यालय शिक्षा विधेयकमा सहमति जुटाउन प्रतिनिधिसभाको शिक्षा, विज्ञान तथा प्रविधि समितिले सरकारलाई ५ दिनको समय दिएको छ । शिक्षामन्त्री रघुजी पन्तले आज बसेको समितिको बैठकमा थप समय माग गरेपछि समितिले सहमतिको लागि पाँच दिनको म्याद दिएको हो। 

मन्त्री पन्तले शिक्षक महासंघसँगको वार्ता जारी रहेकाले विधेयक पारित गर्न तत्काल सम्भव नभएको भन्दै समय थप गर्न अनुरोध गरेका थिए। तर, बैठकमा सहभागी अधिकांश सांसदहरूले भने विधेयक तत्काल पारित गर्नुपर्ने अडान राखेका थिए। यद्यपि, समितिका सभापति अम्मरबहादुर थापाले पाँच दिनभित्र सहमति गरेर आउन सरकारलाई निर्देशन दिएका छन्।

‘पाँच दिनभित्र सहमति गरेर आउनू,’सभापति थापाले भने, ‘त्यसअघि मलाई बैठक बोलाउन एक दिनको समय चाहिन्छ।’

यसअघि असार १६ गते पनि शिक्षामन्त्रीकै आग्रहमा समितिको बैठक स्थगित गरिएको थियो। तर, विधेयकका केही प्रावधानमा अझै सहमति नजुटेकाले अन्तिम समयमा आएर पनि समितिबाट पास हुन सकेको छैन।

शिक्षा मन्त्रालय र शिक्षक महासंघबीच केही विवादित बुँदामा अझै सहमति नजुट्नाले विधेयक लम्बिएको हो। आगामी पाँच दिनभित्र सहमति जुटाएर विधेयक अगाडि बढाउने तयारी समितिको रहेको छ।

यो समाचार पढेर तपाईंलाई कस्तो लाग्यो ?

सम्बन्धित समाचार

थप समाचार