वीरगन्ज, साउन २७ :
पर्सा कारागारमा कर्तव्य ज्यान मुद्दामा सजाय काटिरहेका एक कैदीको मृत्यु भएपछि आफन्तहरू प्रदर्शनमा उत्रिएका छन् । २८ वर्षीय कैदी राहुल साहको मृत्यु भएपछि नारायणी उपक्षेत्रीय अस्पतालमा अगाडि आफन्तले टायर बालेर प्रदर्शन गरिरहेका छन् ।
मंगलबार बिहान एक्कासी बेहोस भएका साहको उपचारका क्रममा अस्पतालमा मृत्यु भएको प्रहरीले जनाएको छ । आक्रोशित आफन्तजनले भने कारागार प्रशासनको लापरबाहीले राहुलको मृत्यु भएको आरोप लगाएका छन् । उनीहरुको घटनाको सत्यतथ्य अनुसन्धान गर्न समेत माग गरेका छन् ।
अहिले स्थानीय प्रशासनको रोहवरमा मृतकका आफन्तसँग वार्ताको तयारी भइरहेको छ ।
