सोमबार, ७ मंसिर २०८३ सक्रिय अपडेट सक्रिय सिफारिस
ट्रेन्डिङ
#प्रधानमन्त्री वालेन्द्र शाह#महासचिव शंकर पोखरेल#एसिया कप राइजिङ स्टार्स#नेपालले पहिलो जित#सांस्कृतिक सम्बन्ध#तल्लो अरुण जलविद्युत्#सोमबार शिलान्यास#सभामुख डोलप्रसाद अर्याल#पशु ढुवानी#चरम लापरबाही#अध्यक्ष राजेन्द्र लिङ्देन#सनातन हिन्दुराष्ट्र#प्रधानमन्त्री शाह नयाँदिल्लीमा#घोप्टेभिरको डाँडा#जोखिमपूर्ण भाग झार्न थालियो #प्रधानमन्त्री वालेन्द्र शाह#महासचिव शंकर पोखरेल#एसिया कप राइजिङ स्टार्स#नेपालले पहिलो जित#सांस्कृतिक सम्बन्ध#तल्लो अरुण जलविद्युत्#सोमबार शिलान्यास#सभामुख डोलप्रसाद अर्याल#पशु ढुवानी#चरम लापरबाही#अध्यक्ष राजेन्द्र लिङ्देन#सनातन हिन्दुराष्ट्र#प्रधानमन्त्री शाह नयाँदिल्लीमा#घोप्टेभिरको डाँडा#जोखिमपूर्ण भाग झार्न थालियो
समाचार

सुमनाको सुझाव- विद्यालय, विश्वविद्यालय कुनै पनि कारणले बन्द गर्न नपाउने व्यवस्था राखौं

‘शिक्षा विधेयक सके सहमतिमा नभए फरक मत राखेर भए पनि प्रतिनिधिसभासम्म पुर्‍याऊँ’
सक्रिय न्युज संवाददाता सक्रिय न्युज संवाददाता · बिहीबार, ५ भदौ, २०८२ मा प्रकाशित
सुमनाको सुझाव- विद्यालय, विश्वविद्यालय कुनै पनि कारणले बन्द गर्न नपाउने व्यवस्था राखौं
काठमाडौं, भदौ ५ :

राष्ट्रिय स्वतन्त्र पार्टीकी सांसद सुमना श्रेष्ठले विद्यालय, विश्वविद्यालय कुनै पनि कारणले बन्द गर्न नपाउने कुरा विधेयकमा लेख्न माग गरेकी छन् ।

सिंहदरबारमा बिहीबार बसेको शिक्षा, स्वास्थ्य तथा सूचना प्रविधि समितिको बैठकमा उनले विद्यालय, विश्वविद्यालय कसैले पनि तालाबन्दी गर्न वा बन्द गर्न नपाउने कुरा विधेयकमै लेखिनुपर्ने सुझाइन् ।

‘विद्यालय, विश्वविद्यालय कहिले कसले बन्द गर्ने भन्ने कुरा अन्त्य हुनुपर्छ । विद्यालय, विश्वविद्यालय कसैले पनि तालाबन्दी वा बन्द गर्न पाउँदैन,’ उनले भनिन्, ‘विद्यार्थीले पाउने मौलिक हकको हनन् कसैले पनि गर्न पाउँदैन, जुनसुकै कारण भए पनि । त्यो कुरा हामीले शिक्षकहरूको हकमा बन्द हड्ताल गर्न नपाउने भनेर लेखेका छौं । तर त्यो कुरा निजी विद्यालयका लागि पनि लेखिनुपर्नेछ । विद्यालयहरू कुनै पनि बहानामा बन्द गरिनु हुँदैन ।’

विद्यालय शिक्षा विधेयक, २०८० सम्बन्धी समितिको प्रतिवेदनमाथिको छलफलमा उनले विद्यालय तालाबन्दी रोक्न कानुनी व्यवस्था आवश्यक रहेको जनाइन् ।

शिक्षकहरूका हकमा बन्द हड्ताल गर्न नपाउने भनेर विधेयकमा उल्लेख भएकोप्रति ध्यानाकर्षण गराउँदै उनले यो व्यवस्था निजी विद्यालयका लागि पनि लेखिनुपर्ने बताएकी छन् । साथै उनले अनिवार्य निःशुल्क शिक्षा तोकेबमोजिम सबैले पाउनुपर्नेमा जोड दिइन् ।

साथै उनले विद्यालय शिक्षासम्बन्धी विधेयकमा जसरी भए पनि सहमति जुटाउनुपर्नेमा उनको जोड थियो । उनले सकभर सहमतिमा नभए फरक मत राखेर भए पनि विधेयक प्रतिनिधिसभासम्म पुर्‍याउनुपर्ने धारणा राखिन् । ‘आज जसरी भए पनि प्रतिनिधिसभासम्म पुर्‍याउनुपर्छ । सके सहमतिमा जाऊँ नभए फरक मत राखेर भए पनि प्रतिनिधिसभासम्म जाऊँ,’ उनले भनिन् ।

विधेयकमा दुई विषयमा विवाद छ । विधेयकमा निजी विद्यालयले पूर्ण छात्रवृत्तिमा आवास र पोसाक दिने विषय विवादित छ । श्रेष्ठ पूर्वशिक्षा विज्ञान तथा प्रविधिमन्त्री पनि हुन् ।

यो समाचार पढेर तपाईंलाई कस्तो लाग्यो ?

सम्बन्धित समाचार

थप समाचार