सुरक्षाकर्मीले शीर्ष नेताहरुलाई सुरक्षित स्थानमा सार्न थाले

जेनजीका समर्थक प्रदर्शनकारीहरुले शीर्ष नेताहरुमाथि नै आक्रमण गर्न थालेपछि सुरक्षाकर्मीले उनीहरुलाई थप सुरक्षा दिनुकासाथै सुरक्षित स्थानमा राख्न थालेका छन् ।

बालुवाटारमा सैनिक र निजी हेलिकोप्टर अवतरण गरेका छन् ।  भैंसेपाटीस्थित मन्त्रिक्वार्टरमा समेत पटकपटक हेलिकोप्टर अवतरण गरेको छ ।अन्य स्थानमा रहेका नेताहरुलाई समेत सुरक्षित स्थानमा राखिएको छ ।

प्रधानमन्त्री केपी शर्मा ओलीको घरमा तनावको स्थिति सिर्जना भएको छ भने  पूर्वप्रधानमन्त्री एवं कांग्रेस सभापति शेरबहादुर देउवाको घरमा आगजनी भएको छ । यतिबेला चारवटै सुरक्षा निकाय परिचालित छन् ।

सोमबार जेनजी युवाले गरेको प्रदर्शनका क्रममा प्रहरीले दमन गर्दा १९ जना युवा मारिएपछि स्थिति तनावपूर्ण बनेको छ ।