मन्त्रीहरूको शपथमा सभामुख र उपसभामुख गएनन्

सभामुख देवराज घिमिरे र उपसभामुख इन्दिरा राना सोमबार शीतल निवासमा आयोजित तीन मन्त्रीको शपथ समारोहमा अनुपस्थित रहे। 

प्रतिनिधिसभा विघटन भए पनि पद यथावत रहेको सभामुख र उपसभामुख दोस्रो पटक सार्वजनिक समारोहमा अनुपस्थित देखिएका हुन्। यसअघि प्रधानमन्त्रीको शपथमा पनि उनीहरू सहभागी थिएनन्। 

त्यसैगरी, राष्ट्रिय सभा क्रियाशील रहेकाले अध्यक्ष नारायण दाहाल भने शपथ समारोहमा सहभागी भए।

राष्ट्रपति रामचन्द्र पौडेलले प्रधानमन्त्री सुशीला कार्कीको उपस्थितिमा रामेश्वर खनाल (अर्थ), कुलमान घिसिङ (ऊर्जा, भौतिक योजना तथा सहरी विकास) र ओमप्रकाश अर्याल (गृह तथा कानुन)लाई पद तथा गोपनीयताको शपथ गराएका छन्।