काठमाडौं, असोज २८ :
नेपाली कांग्रेस केन्द्रीय कार्यसमितिको बैठकमा केहीबेरमा शुरु हुँदैछ ।जेन—जी आन्दोलनकारीहरुले आफ्नै निवासमा सांघातिक आक्रमणबाट घाइते भएका सभापति शेरबहादुर देउवा पनि सो बैठकमार्फत पहिलो पटक सार्वजनिक हुन लागेका छन् ।
सभापति देउवा बैठकमा सहभागी हुनेभएपछि नेपालीको कांग्रेसको मुख्यालयमा सुरक्षा प्रबन्ध कडा गरिएको छ । प्रहरीको साथ नेपाली कांग्रेसका युवा संगठन तरुण दल र विद्यार्थी संगठन नेपाल विद्यार्थी संघले मुख्यालयमा सुरक्षा दिइरहेका छन् ।
बैठकमा नेताहरुले सभापति देउवालाई पद छोड्न र समयमा नै नियमित महाधिवेशन गराउन दबाब दिने बताइएको छ । बैठकमा केन्द्रीय कार्य समितिका पदाधिकारी तथा सदस्यहरु, आमन्त्रित सदस्यहरु र सात वटै प्रदेशका सभापतिहरु सहभागी हुनेछन् ।
