एकता प्रयास : लिङ्देन र थापाबीच ‘वान टु वान’ छलफल

कम्युनिस्ट पार्टीहरुमा धमाधम एकता र पार्टी प्रवेशको क्रम चलिरहँदा दुई राप्रपा पनि एकताको प्रयासमा जुटेका छन् ।

राप्रपा  फुटेर बनेको राप्रपा नेपालबीच एकताका लागि छलफल सुरु भएको छ । राप्रपा अध्यक्ष राजेन्द्र लिङ्देन र राप्रपा नेपालका अध्यक्ष कमल थापाबीच मंगलबार धुम्बाराहीको एक होटलमा ‘वान टु वान’ वार्ता गरेका छन् ।

दुवै नेता एकताका लागि सकारात्मक बनेको र थापाले लिङ्देनलाई अध्यक्ष स्वीकार्न सक्ने संकेत गरेपछि एकताको वातावरण बनेको बताइएको छ । लिङ्देन राप्रपाको अध्यक्ष बनेपछि थापा असन्तुष्ट बन्दै छुट्टै  राप्रपा नेपाल पार्टी दर्ता गरेका थिए ।