सर्वोच्चको पूर्ण बैठक : न्यायालयमाथि उठाइएका विविध विषयमा छलफल

सर्वोच्च अदालतको पूर्ण बैठक (फूलकोर्ट) मा न्यायालयमामाथि पछिल्ला दिनमा उठाइएका विविध प्रश्नहरूका विषयमा छलफल भएको छ । 

प्रधानन्यायाधीश डा मनोजकुमार शर्मासहित न्यायाधीशहरूको सो बैठकमा आज ती समसामयिक विषयमा छलफल भएको सर्वोच्च अदालतका प्रवक्ता अशोकुमार क्षेत्रीले जानकारी दिए।     

प्रधानन्यायाधीश डा शर्मा, न्यायाधीशहरू हरिप्रसाद फुयाँल र श्रीकान्त पौडेलले आफूहरूसँग जोडिएर विभिन्न सञ्चार माध्यमा प्रकाशित भएका विषय भ्रामक भएको उल्लेख गर्दै प्रेस विज्ञप्ति जारी गरेका थिए ।

कानुन व्यवसायीहरुको छाता संगठन नेपाल बार एसोसिएसनले न्यायालय नेतृत्वमाथि प्रश्न उठेपछि त्यसको निष्पक्ष छानबिन गर्नु पर्ने र दोषी देखिएमा कारबाही गर्नुपर्ने माग राखेको छ । 

हाल प्रहरी हिरासतमा रहेका  विवादित व्यक्ति इनम सापकोटासँग प्रधानन्यायाधीश डा. मनोजकुमार शर्मा र न्यायाधीश हरि फुयाँलको नाम जोडिएर समाचारहरु सार्वजनिक भएपछि पूर्ण बैठक बसेको हो ।

सम्बन्धित समाचार

बार एसोसिएसनले भन्यो- न्यायपालिकाको नेतृत्व र न्यायाधीशको आचरणमाथि प्रश्न उठेको विषयमा छानबिन होस्