काठमाडौै, माघ ६ :
रास्वपाका सभापति रवि लामिछानेसहितको मुद्दा फिर्ता लिने महान्यायाधिवक्ता सविता भण्डारीको निर्णयविरुद्धको रिटमा सर्वोच्च अदालतले लिखित जवाफ माग गरेको छ ।
युवराज सफल, दिनेश त्रिपाठी र आयुष बडालसहितका तर्फबाट पेस भएको रिटमा मंगलबार न्यायाधीश अब्दुल अजिज मुसलमानको इजलासले कारण देखाऊ आदेश जारी गर्दै लिखित जवाफ माग गरेको छ
महान्यायाधिवक्ताको कार्यालयले केही दिन अघि लामिछानेविरुद्धको सम्पत्ति शुद्धीकरण र संगठित अपराधको अभियोगपत्र सशोधन गर्ने निर्णय गरेको थियो ।
रविको मुद्दा फिर्ताको विषयमा चर्को विरोध भएपछि महान्यायाधिवक्ताले गोर्खा मिडियासँग जोडिएका सहकारी ठगीमा सबै प्रतिवादीहरूको अभियोगपत्र सशोधन गर्ने निर्णय गरेकी थिइन् । रेड कर्नर नोटिस जारी भएका जीबी राईसहित कम्तीमा ५० प्रतिवादीहरूको मुद्दा फिर्ता गर्ने निर्णय विवादमा परेको थियो ।
