रास्वपालाई दुई तिहाइ पुर्‍याउन राप्रपाको सर्त, हिन्दु राष्ट्र बनाउन तयार हुनुपर्छ

राष्ट्रिय प्रजातन्त्र पार्टी (राप्रपा)का नेता  कमल थापाले राष्ट्रिय स्वतन्त्र पार्टीलाई हिन्दु राष्ट्र बनाउन संविधान संशोधनका लागि दुईतिहाइ सिट सहयोग गर्ने बताएका छन्। सामाजिक सञ्जाल फेसबुकमार्फत थापाले प्रतिनिधिसभामा दुई तिहाइ बहुमत पुर्‍याउनका लागि रास्वपासँग सर्त राखेका हुन् ।

थापाले बालेन शाह नेतृत्वको सरकारलाई दुईतिहाइ बहुमत पुर्‍याउन २ सिट कम भएको र रास्वपाले हिन्दू राष्ट्र बनाउने संविधान संशोधनमा सहयोग पाउने बताए।

उनले भने, 'यदि बालेन सरकारले नेपाललाई धार्मिक स्वतन्त्रता र समानतासहितको हिन्दू राष्ट्र बनाउने गरी संविधान संशोधन गर्न तयार हुन्छ भने राष्ट्रिय प्रजातन्त्र पार्टीका ५ सांसदहरूको पूर्ण सहयोग रहने छ।'

रास्वपालाई एकल दुई तिहाइ पुर्‍याउन २ सिट कम भएको छ । थापाले लेखेका छन्, ‘यदि बालेन सरकारले नेपाललाई धार्मिक स्वतन्त्रता र समानतासहितको हिन्दू राष्ट्र बनाउने गरी संविधान संशोधन गर्न तयार हुन्छ भने राष्ट्रिय प्रजातन्त्र पार्टीको पूर्ण सहयोग रहने छ ।’