दाउन्ने, चैत ६ :
दुम्कीबास–दाउन्ने–बर्दघाट सडक खण्डमा आजदेखि चैत ८ गतेसम्म रातिमा मालवाहक सवारीसाधन सञ्चालनमा रोक लगाइएको छ । राति ७ बजेदेखि बिहान ५ बजेसम्म सवारी साधन चलाउन रोक लगाइएको हो।
वर्षाका कारण सडक चिप्लो हुँदा सवारी साधन चिप्लिने र अड्किने समस्या देखिएपछि यस्तो व्यवस्था गरिएको पश्चिम आयोजनाको कार्यालयले जनाएको छ। आकस्मिक सेवाका सवारीसाधन भने चल्न पाउने छन् ।
