नेपाल फर्कन तयारी हुनुहोस्ः सभामुख अर्याल

सभामुख डोलप्रसाद अर्यालले विदेशमा रहेका नेपालीलाई स्वदेश फर्कने आग्रह गरेका छन् ।

धादिङको त्रिपुरासुन्दरी गाउँपालिका–१, सल्यानटारस्थित नृसिंहधाममा आयोजित एक महिने पुरुषोत्तम महोत्सव अवलोकनमा पुगेका सभामुख अर्यालले उक्त धारण राखेका हुन्। 

देशमा बेरोजगारीको संख्या दैनिक जसो बढिरहेको अवस्थामा सभामुखले विदेशमा रहेका नेपालीलाई किन स्वदेश फर्कन भने त्यो भने बुझ्न सकिएको छैन । नयाँ सरकार बनेपछि रोजगारी सिर्जना हुने कुनै पनि काम थपिएको देखिदैन ।

पुरुषोत्तम महोत्सव स्थलमा आयोजित कार्यक्रमलाई सम्बोधन गर्नुहुँदै सभामुख अर्यालले देशको संविधान र कानुनको पूर्ण पालना गर्न सरकार कटिबद्ध रहेको धारण राखे ।