चितवन, असार १२ :
राष्ट्रिय स्वतन्त्र पार्टी (रास्वपा) को प्रथम राष्ट्रिय महाधिवेशनअन्तर्गत पदाधिकारी निर्वाचनमा मतदान गर्न नपाएको भन्दै केहि प्रतिनिधिहरुले असन्तुष्टि जनाएका छन् ।
शुक्रबार अपरान्ह मतदानका लागि तोकिएको पाँच बजेको समय सकिएसंगै ढोका बन्द भएपछि मतदान गर्न नपाएको भन्दै केहि प्रतिनिधिहरुले असन्तुष्टि जनाएका हुन् ।
अपरान्ह पाँच बजेर २ मिनेटमा मतदानस्थल पुग्दा मतदान गर्न नदिएको उनीहरुले जनाएका छन् । उनीहरुले तीन दिनका लागि तोकिएको महाधिवेशन ६ दिन पुराउदा केहि नहुने, तर आफूहरु केही मिनेट ढिलो पुग्दा मतदानको अवसरबाट बञ्चित गरेको भन्दै आक्रोश व्यक्त गरेका छन् । मतदान गर्न नपाएकाहरु प्रायसबै रौतहटका प्रतिनिधि थिए ।
करिव ४ हजारको संख्यामा प्रतिनिधि रहेकोमा पदाधिकारी निर्वाचनमा १५ सय भन्दा कम मत खसेको केन्द्रीय निर्वाचन आयोगले जनाएको छ ।
