काठमाडौं, असार २४ :
प्रतिनिधिसभाको बैठक बिहीबार बस्ने गरी स्थगित गरिएको छ । बुधबार १५ मिनेटका लागि स्थगित भएको बैठक सूचना टाँसेर बिहीबार बिहान ११ बजे बस्ने गरी स्थगित गरिएको हो ।
बुधबार बसेको बैठकमा अर्थमन्त्री स्वर्णिम वाग्लले राखेको नेपाल राष्ट्र बैंक तेश्रो संशोधन विधेयकलाई दफावार छलफलका लागि सम्बन्धित समितिलाई पठाइयोस भन्ने प्रस्ताव स्वीकृत भएपछि सभामुख डोल प्रसाद अर्यालले १५ मिनेटका लागि स्थगित गरेका हुन् ।
संसद सचिवालयले १५ मिनेटका लागि स्थगित भएको बैठक विशेष कारणबस बस्न नसक्ने भएकाले प्रतिनिधिसभाको नियमावली बमोजिम सभामुखले असार २५ गते बिहीबार बस्नेगरि निर्धारण गरेका हुन् ।
