काठमाडौं, भदौ १० :
सरकारले रसुवामा आएको भीषण बाढी प्रभावितको उद्धारका लागि १२ वटा हेलिकप्टर परिचालन गरेको छ। उद्धारका लागि स्वास्थ्यकर्मीसहित नेपाली सेनाका र निजी क्षेत्रका गरी १२ वटा हेलिकप्टर परिचालन गरिएका छन्।
राहत उद्धार र खोजीमा परिचालन हुने हेलिकप्टरमा इन्धन भर्न नुवाकोटको त्रिशूलीमा हवाई इन्धनसहितको ट्यांकरलाई तयारी अवस्थामा राखिएको छ । उक्त टयांकर काठमाडौंबाट परिचालन गरिएको हो। अहिले धादिङ, नुवाकोट, रसुवा, चितवनका सबै सुरक्षा निकाय परिचालन गरिएको छ।
