सोमबार, ७ मंसिर २०८३ सक्रिय अपडेट सक्रिय सिफारिस
ट्रेन्डिङ
#प्रधानमन्त्री वालेन्द्र शाह#महासचिव शंकर पोखरेल#एसिया कप राइजिङ स्टार्स#नेपालले पहिलो जित#सांस्कृतिक सम्बन्ध#तल्लो अरुण जलविद्युत्#सोमबार शिलान्यास#सभामुख डोलप्रसाद अर्याल#पशु ढुवानी#चरम लापरबाही#अध्यक्ष राजेन्द्र लिङ्देन#सनातन हिन्दुराष्ट्र#प्रधानमन्त्री शाह नयाँदिल्लीमा#घोप्टेभिरको डाँडा#जोखिमपूर्ण भाग झार्न थालियो #प्रधानमन्त्री वालेन्द्र शाह#महासचिव शंकर पोखरेल#एसिया कप राइजिङ स्टार्स#नेपालले पहिलो जित#सांस्कृतिक सम्बन्ध#तल्लो अरुण जलविद्युत्#सोमबार शिलान्यास#सभामुख डोलप्रसाद अर्याल#पशु ढुवानी#चरम लापरबाही#अध्यक्ष राजेन्द्र लिङ्देन#सनातन हिन्दुराष्ट्र#प्रधानमन्त्री शाह नयाँदिल्लीमा#घोप्टेभिरको डाँडा#जोखिमपूर्ण भाग झार्न थालियो
राजनीति

करिब १२ घण्टापछि पूर्वप्रधान न्यायाधीश जबरालाई छाडियो

मानव अधिकार आयोगको टोलीले भेट्न पाएन
सक्रिय न्युज संवाददाता सक्रिय न्युज संवाददाता · आइतबार, ११ असोज, २०८३ मा प्रकाशित
करिब १२ घण्टापछि पूर्वप्रधान न्यायाधीश जबरालाई छाडियो
काठमाडौं, असोज ११ :

काठमाडौँ उपत्यका अपराध अनुसन्धान कार्यालयले पूर्वप्रधानन्यायाधीश चोलेन्द्रशमशेर जबरालाई छाडेको छ। जबरालाई आफन्तीको जिम्मा लगाएर प्रहरीले पठाएको छ । अपराध अनुसन्धान कार्यालयका एसएसपी सन्तोष खड्काले सुरक्षित ठाउँमा पठाएको बताएका हुन् । 

‘सुरक्षित ठाउँ’ भनेको कहाँ हो भन्नेबारे भने उनले खुलाएनन् ।  अपराध अनुसन्धान कार्यालयको टोलीले गएराति ३ बजे महाराजगञ्जस्थित निवासबाट उनलाई पक्राउ गरेको थियो ।

यसैबीच जबरालाई भेट्न भनेर कार्यालय पुगेको मानव अधिकार आयोगको टोली भेट्न नपाएपछि फर्किएको छ । करिब ४५ मिनेट कुर्दा पनि भेट्न नपाएपछि आयोगको टोली फर्किएको हो ।

कानुनका जानकारहरुले प्रहरीको शैलीमाथि व्यापक प्रश्न उठाइरहँदा जबरालाई छाडिएको छ । तत्काल उनलाई छाडे पनि पक्राउ गर्नुको कारणले भने प्रश्न उब्जाएको छ  ।  प्रहरीले ‘सुरक्षा थ्रेट’ भएकाले जबरालाई रातारात कार्यालयमा ल्याएर राख्नुपरेको दाबी गर्दै आएको छ । 

यो समाचार पढेर तपाईंलाई कस्तो लाग्यो ?

सम्बन्धित समाचार

थप समाचार