सोमबार, ७ मंसिर २०८३ सक्रिय अपडेट सक्रिय सिफारिस
ट्रेन्डिङ
#प्रधानमन्त्री वालेन्द्र शाह#महासचिव शंकर पोखरेल#एसिया कप राइजिङ स्टार्स#नेपालले पहिलो जित#सांस्कृतिक सम्बन्ध#तल्लो अरुण जलविद्युत्#सोमबार शिलान्यास#सभामुख डोलप्रसाद अर्याल#पशु ढुवानी#चरम लापरबाही#अध्यक्ष राजेन्द्र लिङ्देन#सनातन हिन्दुराष्ट्र#प्रधानमन्त्री शाह नयाँदिल्लीमा#घोप्टेभिरको डाँडा#जोखिमपूर्ण भाग झार्न थालियो #प्रधानमन्त्री वालेन्द्र शाह#महासचिव शंकर पोखरेल#एसिया कप राइजिङ स्टार्स#नेपालले पहिलो जित#सांस्कृतिक सम्बन्ध#तल्लो अरुण जलविद्युत्#सोमबार शिलान्यास#सभामुख डोलप्रसाद अर्याल#पशु ढुवानी#चरम लापरबाही#अध्यक्ष राजेन्द्र लिङ्देन#सनातन हिन्दुराष्ट्र#प्रधानमन्त्री शाह नयाँदिल्लीमा#घोप्टेभिरको डाँडा#जोखिमपूर्ण भाग झार्न थालियो
राजनीति भिडियो

कांग्रेस फुटेको छैन, असन्तुष्ट पक्षलाई मिलाउने प्रयास भइरहेको छ : राणा

सक्रिय न्युज संवाददाता सक्रिय न्युज संवाददाता · मंगलबार, १३ असोज, २०८३ मा प्रकाशित
कांग्रेस फुटेको छैन, असन्तुष्ट पक्षलाई मिलाउने प्रयास भइरहेको छ : राणा
काठमाडौं, असोज १३ :

नेपाली कांग्रेस संस्थापन पक्षका नेता उदयशमशेर राणाले पार्टी नफुटेको दाबी गर्दै असन्तुष्ट पक्षलाई समेटेर अघि बढ्ने प्रयास भइरहेको बताएका छन्। मंगलबार आयोजित साक्षात्कार कार्यक्रममा राणाले पार्टीको आन्तरिक विवादका कारण केही नेता छुट्टिएर गतिविधि गरे पनि त्यसलाई पार्टी विभाजनका रूपमा बुझ्न नमिल्ने बताए।

‘अहिले पार्टी फुटेको छैन। निर्वाचन आयोगले पनि अहिलेसम्मको विशेष महाधिवेशनको नेतृत्वलाई आधिकारिकता दिएको छ। यो विषय अदालतमा विचाराधीन भए पनि अदालतले हाम्रो प्रक्रियालाई अघि बढाउँदै तोकिएको समयमा अधिवेशन गर्न भनेको छ,’ उनले भने।

असन्तुष्ट पक्षका माग सम्बोधन गरिसकिएको उल्लेख गर्दै उनले अधिवेशन सुरु भइसके पनि उनीहरूलाई केन्द्रीय महाधिवेशनमा सहभागी हुने बाटो खुला रहेको बताए।राणाले केही नेता १५औँ महाधिवेशनको प्रक्रियामा सहभागी नभए पनि उनीहरूलाई पार्टीको मूलधारबाट अलग हुन नदिने बताए।

‘कतिपय नेता साथीहरू  १५औँ महाधिवेशनमा सहभागी हुन आउनुभएन। तर उहाँहरू छुट्नुहुन्न भन्ने मलाई लाग्छ,’ राणाले भने, ‘हामीले उहाँहरूको माग पूरा गरिसकेका छौँ र अधिवेशन सुरु भइसके पनि उहाँहरू आएर सिधै केन्द्रीय महाधिवेशनमा भाग लिन सक्ने ढोका खुला राखेका छौँ।’

उनले पार्टीका सभापति शेरबहादुर देउवालाई सबैको नेता भएको उल्लेख गर्दै पार्टीका कार्यक्रमहरूमा सहभागी हुने अवसरसमेत खुला रहेको बताए। 
राणाले पार्टीभित्र देखिएको असन्तुष्टिलाई संवाद र सहमतिमार्फत समाधान गर्दै पार्टीलाई एकताबद्ध बनाएर अघि बढ्नुपर्नेमा जोड दिए।

यो समाचार पढेर तपाईंलाई कस्तो लाग्यो ?

सम्बन्धित समाचार

थप समाचार